“Qalatasaray” səfərdə darmadağın oldu

75

“Qalatasaray” klubu Türkiyə Super Liqasının XXXII turunda məğlubiyyətə düçar olub.

“Sarı-qırmızılar” səfərdə “Hatayspor”a böyük hesabla uduzub – 0:3. Qolları Mame Biram Diuf 21-ci və 72-ci, Ruben Ribeyro isə 29-cu dəqiqədə vurub.

Qonaq komandanı oyuna, baş məşqçi Fatih Terim və Ümit Davala cəzalı olduqları üçün Levent Şahin çıxarıb.

Beləliklə, son 5 matçda 3-cü və ardıcıl 2-ci məğlubiyyətlə üzləşən “Cim Bom” 31 oyundan 61 xalla 2-ci pillədə qalıb və çempionluq yolunda ağır məğlubiyyət alıb. “Hatayspor” isə xalını 49-a yüksəldib və 6-cı yerdə qərarlaşıb. Turnir cədvəlinə 29 oyundan 64 xala malik “Beşiktaş” başçılıq edir. “Fənərbağça” isə 30 oyundan 59 xalla 3-cüdür. \\Report