İranla Çin arasında yeni əməkdaşlıq müqaviləsi imzalanıb

27

İranla Çin arasında “əhatəli strateji tərəfdaşlıq” haqqında 25 illik müqavilə imzalanıb.

“Report” xəbər verir ki, bu barədə müqavilənin imzalanması mərasimindən “Press TV” telekanalı məlumat yayıb.

Məlumata görə, sənədi Tehranda səfərdə olan Çinin xarici işlər naziri Van İ və İranın xarici işlər naziri Məhəmməd Cavad Zərif imzalayıb.

İran XİN-in sözçüsü Səid Xətbizadə bir müddət əvvəl bildirmişdi ki, bu sənəd siyasi və iqtisadi məsələlərə dair ikitərəfli əməkdaşlığı əhatə edəcək.